حدوتة مصرية..اسمعوا وعوا يا رجالة: الكورونا في كلمتين عشان تهدوا شويه بقى

احصل على تحديثات فورية مباشرة على جهازك. اشترك الآن

الكورونا في كلمتين عشان تهدوا شويه بقي 👏

خناقه بين دوله عظمي بتنتهي ودوله عظمي بتقوم .

-كل العالم عارف ان امريكا بقالها كام سنه بتسترزق من تصنيع الفيروسات (سارس وجنون بقر وانفلونزا طيور وغيرها ) علشان تبيع المصل بمليارات ولما يتكشف ضعف الفيروس يختفي فجأه بعد ما يرعب الدنيا.

-المره دي قررت تضرب عصفورين بحجر واحد ، فيروس يتحدف في اكبر مقاطعه في الصين ( ووهان ) علشان يدمر اقتصادها ويوقف تمددها مع شو اعلامي رهيب يرعب العالم وبالتالي تبيع المصل اللي مجهزاه مقدما للدول المرعوبه زي حالتنا .

-يوم الخميس اللي فات الرئيس الصيني طلع لسانه وهو بيعلن بدايه التغلب علي الفيروس وانخفاض الاصابات لاقل من النص وبدايه العوده للمصانع وعوده الرحلات نسبيا .

-لو الخبر ده جديد عليك يبقي لازم تصدق كلامي ،، تصدق ان امريكا جهاز اعلامي رهيب قادر انه ينشر بس المعلومه اللي تفيده عكس الصين اللي بتشتغل ف صمت وبتعاني من فشل اعلامي.

-طبيعي ان منظمه الصحه العالميه التابعه لامريكا ترفض الاعتراف بأن نسبه الاصابه بالمرض ١ في المليون ونسبه الشفاء من المرض ٨٧٪؜وكمان تهدد الدول المهزوزه زي السعوديه وتجبرها علي اغلاق الحرمين رغم عدم وجود حالات تذكر فيها وده لأن وجود كذا مليون بيصلو جنب بعض بدون تفشي الوباء يشكك في حملتها الاعلاميه الرهيبه للتخويف من المرض وفي نفس الوقت تضرب برميل البترول فينزل من ٦٥ دولار ل ٣٥ دولار ويتملي مخزون امريكا وكمان صديقتها انجلترا تركب علي الاتحاد الاوروبي .

-ياجماعه افهمو … اللي اتصابو من الفيروس لحد دلوقتي في كل العالم ١٠٤ الف بني ادم ٨٠٪؜.منهم ف الصين !!!!! يعني باقي العالم٢٤ الف مصاب مات منهم ٣٥٠٠ واحد في العالم😅

في ال٣ شهور من اول ما ابتدي في يناير يعني ١٠٠٠ واحد في الشهر !!!!! يعني اقل من اللي ماتو في نفس المده ف حوادث علي طريق مصر اسكندريه الصحراوي .

ياجماعه افهمو اللي ماتو من انفلونزا الخنازير ف اول ٣ شهور ١٥٠ الف انسان . واللي بيموتو من الجوع ف افريقيا بس سنويا ٦ مليون يعني ٥٠٠ الف في الشهر ومنظمه الصحه العالميه مش عايزه تصنف الجوع وباء قاتل لانه مش بيمس بلادها ولا بيمس اغنياء العالم.

الخلاصه كلها اسبوعين ويدخل الصيف عندنا ويضعف الفيروس من نفسه بس مافيش مانع ناخد حذرنا بس مش لدرجه الرعب ، مافيش مانع نراجع علاقتنا بأهلنا ،، علاقتنا بربنا ،، مافيش مانع ندعي بتضرع ، مافيش مانع نحزن علي عمره او حج فاتونا او صلاه جماعه بقت حلم صعب المنال،، ارجوكو اهدو و بلاش ننزل زي المجانين نشتري ونخزن ، بلاش نقضي علي مناعه جسمنا بالخوف ،،بلاش نسيبهم يضحكو علينا .
دورك دلوقتي ان تقل خيرا او لتصمت 😊

احصل على تحديثات فورية مباشرة على جهازك. اشترك الآن

قد يعجبك ايضا

التعليقات مغلقة، ولكن تركبكس وبينغبكس مفتوحة.